Allir leikmenn Íslands sem eru mættir í verkefni gegn Frakklandi í undankeppni EM, eru leikfærir á morgun.
,,,,Það eru ekki nein meiðsli, það æfðu allir í gær og ég á von á því í dag. Það eru ekki nein meiðsli,“ sagði Erik Hamren um ástand leikmanna í dag.
Íslenska liðið þarf að vinna sér inn 9-10 stig í síðustu fjórum leikjunum til að komast á EM. Allar líkur eru á að það dugi en þá þarf liðið að sigra Tyrki í Istanbúl í næsta mánuði.
„Við áttum erfitt síðasta ár og unnum ekki marga leiki. Við höfum spilað vel á þessu ári og náð í góð úrslit, fyrir utan tapleiki í Frakklandi og Albaníu. Við höfum verið mjög sterkir á heimavelli sem er jákvætt. Ísland hefur komið mörgum á óvart síðustu ár en það er ekki lengur því nú vita allir hvað liðið getur. Liðið hefur upplifað frábær augnablik á heimavelli en við viljum fara á okkar þriðja stórmót í röð. Við eigum fína möguleika, þótt margir hafi efast um að smáþjóð gæti farið á þrjú stórmót í röð,“ sagði Erik Hamren.
,,Við viljum afsanna þá spá og það hefur komið mér á óvart hversu vel Ísland hefur gert þegar kemur að knattspyrnuþjálfun. Íslenskur fótbolti er á uppleið sem er ótrúlegt miðað við það að hér búa einungis 350.000 manns sirka. Það er helmingurinn af heimabæ mínum, Gautaborg.“
