Ólafur Brynjólfsson er hættur sem aðstoðarþjálfari hjá kvennaliði Stjörnunnar, þetta staðfesti hann í samtali við 433.is.
Ólafur kom inn með Kristjáni Guðmundssyni fyrir tæpu ári síðan en hefur ákveðið að róa á önnur mið.
,,Þetta var góður tími en nú skoða ég næstu skref bara í rólegheitum,“ sagði Ólafur þegar við ræddum við hann.
Ólafur var áður aðstoðarþjálfari hjá Fram og stýrði liðinu einnig tímabundið. Áður hafði hann stýrt bæði kvennaliði Breiðabliks og Vals, auk þess að þjálfa Gróttu. Þá var Ólafur þjálfari 2 flokks karla Breiðabliks, auk þess að stýra Augnablik.
Ólafur ólst upp í Val og lék með liðinu auk þess að leika með ÍR á ferli sínum sem leikmaður.