Rúnar Már Sigurjónsson, miðjumaður FC Astana verður í eldlínunni þegar lið hans mætir Manchester United, í Evrópudeildinni á morgun. Rúnar ólst upp sem glerharður stuðningsmaður United.
Rúnar mun hins vegar spila gegn hálfgerðu varaliði United ef marka má fréttamannafund, Ole Gunnar Solskjær í dag.
Paul Pogba, Daniel James, Anthony Martial og Luke Shaw eru allir frá vegna meiðsla.
Solskjær staðfesti að Sergio Romero, Axel Tuanzebe, Fred og Mason Greenwood myndu byrja leikinn, hann sagði að fleiri ungir menn myndu spila.
Það er því ljóst að Rúnar fær ekki að mæta skærustu stjörnum United þegar hann heimsækir sitt uppáhalds félag.
