Newcastle United hefur fest kaup á framherjanum Joelinton en þetta var staðfest í dag.
Joelinton er 22 ára gamall sóknarmaður en hann kemur til félagsins frá Hoffenheim í Þýskalandi.
Joelinton gerði sex ára samning við Newcastle og er dýrasti leikmaður í sögu félagsins.
Framherjinn kostaði 40 milljónir punda en hann skoraði sjö mörk í 29 deildarleikjum með Hoffenheim á síðustu leiktíð.
Fyrir það var leikmaðurinn í láni hjá Rapid Wien og er þá uppalinn hjá Sport Recife í Brasilíu.