Guðni Bergsson, formaður KSÍ, var að vonum sáttur í kvöld eftir sigur Íslands á Tyrkjum í undankeppni EM.

Við ræddum við Guðna eftir 2-1 sigur Íslands og var hann sáttur með strákana og þeirra frammistöðu.

,,Þetta var alveg frábær leikur hjá strákunum, alveg frá fyrstu mínútu. Gegn hörku tyrknensku liði og við sköpuðum okkur fullt af færum,“ sagði Guðni.

,,Við gáfum aðeins eftir í seinni hálfleik en þetta er sterkt tyrkenskt lið. Baráttan, skipulagið og allt þetta var til fyrirmyndar hjá okkur.“

,,Þeir einbeittu sér að fótboltanum inni á vellinum. Maður fann mun á liðinu eftir þennan góða sigur á móti Albönum sem var svo mikilvægur.“

,,Það var ennþá meiri neisti og ennþá meira sjálfstraust. Við spiluðum virkilega vel í dag.“

,,Menn misstu aldrei trúna. Við vitum að aðstæðurnar sem voru í haust gegn gríðarlega sterkum andstæðingum og með öll þessi meiðsli. Það voru alltaf tíu menn á meiðslalista. Það hafði sitt að segja í þessu en nú finnum maður að við erum komnir til baka.“