West Ham United hefur staðfest að Andy Carroll og Adrian yfirgefi félagið í sumar, ákveðið var að framlengja ekki við þá. Báðir hafa lengi starfað fyrir félagið, Carroll hefur mikið verið meiddur.
Einnig fær Samir Nasri ekki lengri samning en þessi fyrrum franski landsliðsmaður, kom í janúar. West Ham lék með ágætum undir stjórn Manuel Pellgrini í vetur en félagið vill stærri hluti.
Ekki er ljóst hvað Andy Carroll tekur sér fyrir hendur en einhver lið í ensku úrvalsdeildnni, gætu freistast til að sækja hann.
Carroll hefur verið mikið meiddur en hann var í sjö ár hjá félaginu, hann þénaði 90 þúsund pund á viku.
Vegna meiðsla þá reyndist hann félaginu dýr, þannig fékk Carroll 236 þúsund pund að meðaltali á hvern leik sem hann spilaði, 37 milljónir íslenskra króna. Þá fékk hann 1 milljón punda á hvert mark em hann skoraði.
