Stuðningsmenn Cardiff brjáluðust um helgina er liðið spilaði við Liverpool í ensku úrvalsdeildinni.
Cardiff þurfti að sætta sig við 2-0 tap á heimavelli en liðið er í harðri fallbaráttu og þurfti á sigri að halda.
Einn stuðningsmaður Liverpool gerði slæm mistök í leik helgarinnar er hann fagnaði marki James Milner.
Milner skoraði seinna mark Liverpool úr vítaspyrnu og fagnaði stuðningsmaðurinn mikið en hann sat á meðal stuðningsmanna heimaliðsins.
Þeir sáu þennan eina stuðningsmann fagna markinu og ætluðu sér að ráðast á hann í kjölfarið.
Liverpool-maðurinn þurfti að flýja völlinn en þónokkrir stuðningsmenn welska liðsins reyndu að ná taki á honum.
Myndband af þessu má sjá hér.
Liverpool fan being ran out of the Cardiff end ? pic.twitter.com/2gEqYeYwHy
— FC90 (@FanCulture90) 22 April 2019
