Zinedine Zidane hefur verið ráðinn þjálfari Real Madrid á Spáni í annað sinn en þetta var staðfest í gær.
Zidane yfirgaf lið Real óvænt eftir síðustu leiktíð en sú ákvörðun var algjörlega hans eigin. Frakkinn vann þrjá Meistaradeildartitla á Santiago Bernabeu áður en hann ákvað að stíga til hliðar.
Julen Lopetegui tók við í sumar og hann var svo rekinn áður en Santiago Solari þurfti að stíga inn í.
Gengi Real hefur verið hörmulegt á tímabilinu og er Zidane fenginn inn til að koma hlutunum í lag.
Spænskir miðlar segja að Zidane muni fá 300 milljónir punda í leikmannakaup í sumar, hann getur því verslað mikið. Hann getur svo selt leikmenn og fengið enn stærri upphæð.
Draumur Zidane er sagður vera að fá sjö stór nöfn í sumar, það gengur líklega aldrei upp.
Koma Zidane er slæm tíðindi fyrir Gareth Bale enda var hann ein ástæða þess að Zidane sagði upp, hann vildi selja Bale en Florentino Perez vildi frekar selja Cristiano Ronaldo.
Sagt er að Zidane horfi til Kylian Mbappe, Neymar, Eden Hazard, Paul Pogba, Christian Eriksen, N´Golo Kante og David De Gea í sumar.
Líklegt er að Zidane getir fengið 2-3 af þessum leikmönnum í sumar en erfitt verður að fá alla á einu bretti.