Pep Guardiola, stjóri Manchester City, vill enda ferilinn þar sem hann byrjaði og vonast til að fá að taka við varaliði Barcelona aftur.

Guardiola hóf þjálfaraferilinn hjá B liði Barcelona áður en hann fékk tækifærið hjá aðalliðinu.

Þar fór allt af stað hjá Spánverjanum sem tók síðar við Bayern Munchen og Manchester City.

Guardiola er 47 ára gamall og á nóg eftir en hann ætlar sér að taka heilan hring áður en hann kveður.

,,Liðin mín munu spila eins og ég vil að þau spili,“ sagði Guardiola við Jorge Valdano.

,,Ég mun enda ferilinn þar sem hann byrjaði, það verður með unglingaliðum. Vonandi hjá Barcelona.“