Manchester United er með ‘betri leikmann’ en Jamie Vardy í sínum röðum segir þjálfarinn Clayton Blackmore sem hefur starfað í akademíu félagsins.
Blackmore nefnir þar James Wilson, framherja United, sem var í gær lánaður til Aberdeen í Skotlandi.
Wilson á aðeins eitt ár eftir af samningi sínum á Old Trafford og gæti farið frítt næsta sumar. Hann er 22 ára gamall í dag.
,,Leikmenn fá tækifærið á mismunandi aldri. Sjáðu Jamie Vardy, hann tók lengri tíma en allir aðrir. Willo er betri en Vardy,“ sagði Blackmore.
,,Hann er kannski ekki eins fljótur en hann er betri með boltann og getur notað báðar lappir.“
,,James Wilson var besti 15 ára strákur sem ég hafði séð. Hann er frábær í að klára færi með báðum fótum.“