Daniel Levy stjórnarformaður Tottenham ákvað á síðasta tímabili að hækka laun sín um meira en helming.
Levy er nú launahæsti stjórnarformaður ensku úrvalsdeildarinnar með 6 milljónir punda í árslaun.
Það gerir um 115 þúsund pund í laun á viku sem er meira en Harry Kane, launahæsti leikmaður liðsins.
Kane er með 110 þúsund pund á viku. Levy var með 2,8 milljónir punda á ári en er nú með 6 milljónir punda.
Times segir frá því að leikmenn Spurs séu afar hissa yfir þessu. Levy hefur mikið rætt um það við leikmenn að félagið þurfi að borga skynsamleg laun en ekki fara í sömu pakka og Chelsea, Manchester City, Manchester United og fleiri lið.
Það er hækkun um 3,2 milljónir punda á ári en tekjur Tottenham hafa aldrei verið meiri.
