Gareth Bale, sóknarmaður Real Madrid er á förum frá félaginu í sumar en frá þessu greina spænskir fjölmiðlar.

Leikmaðurinn kom til félagsins árið 2013 og átti frábært fyrsta tímabil en hann hefur verið afar óheppinn með meiðsli, undanfarin ár.

Marca greindi frá því í síðust viku að Zinedine Zidane væri búinn að missa þolinmæðina gagnvart Bale og væri tilbúinn að selja hann í sumar.

Jose Mourinho, stjóri Manchester United á að vera búinn að heyra í Bale og sannfæra hann um að ganga til liðs við félagið í sumar.

Bale kom til Real Madrid frá Tottenham á sínum tíma en United er tilbúið að borga honum talsvert hærri laun en Lundúnar liðið.