Danny Rose, leikmaður Tottenham, er kominn með nóg af því að spila heimaleiki liðsins á Wembley.
Tottenham hefur undanfarin tvö tímabil spilað á Wembley en félagið bíður eftir að nýr heimavöllur verði klár.
Það er erfitt að skapa gott andrúmsloft á vellinum en aðeins 33 þúsund manns mættu á leik gegn Southampton í gær.
,,Það er ekki gaman að spila þar lengur. Það fylgir því enginn heiður, andrúmsloftið er frekar slakt,“ sagði Rose.
,,Ég vorkenni auðvitað stuðningsmönnunum sem þurfa að ferðast lengra til að koma á Wembley en áhorfendatölurnar hafa aldrei verið verri síðan við komum hingað. Það segir sitt.“
,,Við viljum allir mikið komast á nýja völlinn og vonandi þurfum við ekki að bíða mikið lengur.“