Cristiano Ronaldo verður í sviðsljósinu annað kvöld þegar Manchester United tekur á móti Juventus í Meistaradeildinni.
Þarna mun Ronaldo heimsækja sitt gamla félag þar sem hann varð að einum besta knattspyrnumanni allra tíma.
Stuðningsmenn United elska Ronaldo og hann hefur alltaf talað fallega um félagið.
Ronaldo gekk í raðir United fyrir fimmtán árum og var ekki í nokkrum vafa um hæfileika sína.
,,Hann gekk inn í klefann með rosalegt sjálfstraust, þetta var svakalegt,“ segir Quinton Fortune sem var í herbúðum félagsins.
,,Hann gekk inn í klefann í fyrsta sinn og sagði við alla að hann væri bestur, hann talaði ekki fullkomna ensku en þú áttaðir þig á því hann átti við.“
,,Hann lagði meira á sig en allir aðrir og það kom í ljós seinna meir að það skilaði sér.“
