Það hefur vakið athygli að Patrice Evra, fyrrum bakvörður Manchester United hefur mætt á síðustu þrjá leiki liðsins.
Það eitt hefur ekki bara vakið athygli heldur sú staðreynd að hann hefur í þrígang setið við hlið Ed Woodward.
Evra lék í átta ár með Manchester United en hann er án félags og gæti verið að fara að starfa fyrir félagið á nýjan leik.
Manchester United vill ráða yfirmann knattspyrnumála til að starfa með Jose Mourinho. Nokkrir hafa verið nefndir til sögunnar en núna telja stuðningsmenn félagsins að Evra gæti verið maðurinn.
Evra hafði aldrei áður setið með Woodward á leik og því hefur þetta vakið athygli.
