Enska úrvalsdeildin er aðeins ný farin af stað en níu umferðir eru búnar. Einn leikur er þó eftir í níundu umferð en Arsenal mætir þá Leicester.
Það er alltaf áhugavert að skoða markahæstu leikmenn deildarinnar þó að það sé nóg eftir af tímabilinu.
Eden Hazard, leikmaður Chelsea, er á toppnum yfir mörk skoruð þessa stundina en hann hefur komið boltanum sjö sinnum í netið.
Í öðru sætinu er Sergio Aguero, leikmaður Manchester City en hann hefur gert sex mörk.
Þrír leikmenn hafa svo skorað fimm stykki eða þeir Harry Kane hjá Tottenham, Glenn Murray hjá Brighton og Aleksandar Mitrovic hjá Fulham.
Fjölmargir leikmenn hafa svo skorað fjögur mörk eins og má sjá á listanum hér fyrir neðan.
