Alexis Sanchez er leikmaður sem Manchester United þurfti aldrei á að halda segir fyrrum leikmaður liðsins, Paul Scholes.

Sanchez hefur ekki þótt standa undir væntingum á Old Trafford eftir að hafa komið frá Arsenal.

Scholes segir að Sanchez sé sjálfselskur leikmaður og spyr sig að því hvernig United gæti losnað við hann.

,,Ég þekki gæðin sem hann býr yfir og hann hefur alltaf verið góður leikmaður en ég hef aldrei séð hann sem leikmann Manchester United,“ sagði Scholes.

,,Ég horfi á hann sem sjálfselskan leikmann, einhvern sem spilaði oft fyrir sjálfan sig. Ég held að hann hafi ekki verið leikmaðurinn sem við þurftum og ekki fyrir þennan pening.“

,,Hvernig losum við okkur við leikmann á svona launum? Það er eins og þeir hafi bara keypt hann til að koma í veg fyrir að hann færi til Manchester City.“