Hector Bellerin, leikmaður Arsenal, hefur opnað sig varðandi áreiti sem hann hefur þurft ða þola síðustu ár.
Bellerin er mikill áhugamaður um tísku og fær oft að heyra það vegna mynda sem hann birtir á samskiptamiðla.
Spánverjinn segir að þessi framkoma fólk sé alls ekki í lagi þó að hann hafi sjálfur lært að hundsa gagnrýnina.
,,Þetta getur verið mjög hart. Mest af áreitinu er í gegnum netið en þú heyrir þetta líka á vellinum. Fólk hefur kallað mig lesbíu því ég læt hárið vaxa,” sagði Bellerin.
,,Ég hef lært að taka lítið mark á þessu en þetta getur haft áhrif. Af og til byrjaru að efast um sjálfan þig.”
,,Fólk er með ákveðna hugmynd um hvernig fótboltamenn eiga að líta út, hvernig þeir eiga að haga sér og hvað þeir eiga að tala um.”
,,Ef þú hagar þér öðruvísi þá ertu skotmark. Þetta er mjög hættulegt. Þú átt rétt á að fá að tjá þig í lífinu.