Rúnar Páll Sigmundsson, þjálfari Stjörnunnar, er að vonum ánægður með að vera kominn í næstu umferð Evrópudeildarinnar.

Stjarnan mætti eistnenska liðinu Kulju í kvöld en þurfti að sætta sig við 1-0 tap ytra.

Stjörnumenn voru þó sannfærandi á Samsung-vellinum í fyrri leiknum og unnu sannfærandi 3-0 sigur.

,,Þeir voru mjög sterkir hérna heima en við töldum okkur vera í góðri stöðu eftir fyrri hálfleikinn,“ sagði Rúnar.

,,Það var mikiill hiti hérna í þessum aðstæðum og við erum bara ánægðir með að vera komnir áfram.“

,,Það má segja að betra liðið hafi farið áfram miðað við spilamennsku okkar í fyrri hálfleik.“

Stjarnan mætir líklega liði FC Kaupmannahöfn í næstu umferð en það er eitt allra stærsta liðið í Danmörku.

,,Þetta er þar sem menn vilja spila á stóra sviðinu, það er spennandi og verður feikilega krefjandi verkefni.“

,,Þeir eru kannski ekki að fara í gegnum sína bestu tíma og það verður alvöru verkefni að fá að spila gegn þeim.“

,,Þeir þurfa að koma hingað á Samsung völlinn og við munum láta þá finna fyrir því. Ég tel okkur eiga fína möguleika.“