Fjórir leikir fóru fram í sænsku úrvalsdeildinni í dag og komu Íslendingar við sögu í tveimur þeirra.
Trelleborgs FF tók á móti Kalmar þar sem að gestirnir unnu 1-0 sigur en það var Hiago Oliveira deRamiro sem skoraði eina mark leiksins á 61. mínútu.
Óttar Magnús Karlsson var í byrjunarliði Trelleborgs í dag og spilaði allan leikinn í fremstu víglínu.
Þá vann AIK 2-0 sigur á IFK Gautaborg þar sem að þeir Stefan Silva og Kristoffer Olsson skoruðu mörk heimamanna.
Haukur Heiðar Hauksson sat allan tímann á varamannabekk AIK í dag og sömu sögu er að segja um Elías Má Ómarsson sem kom ekki við sögu hjá Gautaborg.
Trelleborgs er á botni deildarinnar með 1 stig eftir fyrstu 5 leikina, AIK er í öðru sæti deildarinnar með 11 stig og Gautaborg er í níunda sæti deildarinnar með 6 stig.
