Jurgen Klopp, stjóri Liverpool hefur fundið arftaka Philippe Coutinho hjá félaginu en það eru spænskir fjölmiðlar sem greina frá þessu.
Félagið vill fá Dani Ceballos, miðjumann Real Madrid til félagsins í sumar en Klopp er sagður mikill aðdáandi hans.
Roma er einnig sagt áhugasamt um leikmanninn sem fær lítið sem ekkert að spila með Real Madrid þessa dagana.
Hann kom til Real Madrid árið 2017 frá Real Betis en hefur ekki náð að sýna sitt rétta andlit.
Leikmaðurinn er sagður mjög spenntur fyrir því að ganga til liðs við Liverpool og vinna með Jurgen Klopp.
