Jon Flanagan varnarmaður Liverpool þarf að vinna samfélagsvinnu á næstunni.
Flanagan kom fyrir framan dómara í Liverpool í dag. Í kringum jólin réðst hann á kærustu sína í miðborg Liverpool þegar þau höfðu skellt sér á djammið.
Flanagan þarf að vinna 40 klukkustundir í samfélagsvinnu fyrir brot sitt. Félag hans fordæmir ofbeldi hans.
,,Við gagnrýnum hegðun leikmannsins harkalega,“ sagði talsmaður Liverpool.
,,Þetta skemmir orðspor hans, hann hefur brugðist félaginu.“
,,Við höfum látið hann vita af reiði okkar og að hann hafi ekki lifað eftir þeim gildum sem Liverpool hefur.“
,,Félagið hefur leyft dómstólum að klára málið áður en það tekur til sinna ráða, félagið mun nú hefja vinnu sína og mun ekki tjá sig meira í bili.“
