Það er engum ofsögum sagt að enska landsliðið hafi valdið miklum vonbrigðum hjá Englendingum með tapinu gegn Íslandi í 16-liða úrslitum Evrópumótsins. Eins og fjallað hefur verið um hafa flestir verið duglegir að hrósa íslenska liðinu enda vann það verðskuldaðan sigur.

Frábær frammistaða íslenska liðsins hefur þó ekki komið í veg fyrir að netverjar hafa gert stólpagrín að hrakförum enska liðsins, enda hefur liðið ávallt brugðist þegar mest er undir. Englendingar hafa á að skipa góðum leikmönnum en einhvernveginn tekst þeim alltaf að klúðra hlutunum.

Hér að neðan má sjá nokkrar myndir sem breska blaðið Daily Mail tók saman og birti á vef sínum.