Þetta er í annað skipti sem Gylfi hlýtur nafnbótina
Gylfi Þór Sigurðsson, landsliðsmaður í knattspyrnu og leikmaður enska úrvalsdeildarliðsins Swansea, var í kvöld kjörinn íþróttamaður ársins 2016. Þetta er í annað sinn sem Gylfi er kjörinn Íþróttamaður ársins en hann hlaut einnig nafnbótina árið 2013.
Gylfi og allt íslenska landsliðið stóð sig frábærlega í sumar er lokakeppni EM í Frakklandi fór fram og komst Ísland í 8-liða úrslit.
Þetta var tilkynnt á árlegu hófi Samtaka íþróttafréttamanna og Íþrótta- og ólympíusambands Íslands í Hörpu í kvöld.
Gylfi fékk 430 stig en sundkonan Hrafnhildur Lúthersdóttir, sem varð önnur í kjörinu, fékk 390 stig. Mest er hægt að fá 460 stig.