Pálmi Ragnar Ásgeirsson, upptökustjóri og einn af forsprökkum StopWaitGo, segir fyrirkomulag Íslensku tónlistarverðlaunanna vera forneskjulegt. Pálmi bendir á að úr smiðju StopWaitGo hafi komið mörg af vinsælustu lögum síðasta árs. Því finnst honum að hópurinn hefði átt að fá tilnefningu.

„Með mörg af vinsælustu íslensku lögum síðasta árs (Lítil skref, Í síðasta skipti, No More, Party, Skál fyrir þér, Rauða Nótt, Í hjarta mér ofl) úr búðum okkar strákana finnst mér einkennilegt að fá ekki tilnefningu sem „upptökustjóri ársins“ á Íslensku tónlistarverðlaununum,“ segir Pálmi í færslu sem hann birti á Facebook í kvöld.

Pálmi furðar sig á því hvers vegna það sé enn skilyrði að lag þurfi að vera partur af plötu, til þess að höfundur þess fái tilnefningu.

„Á tímum þar sem plötur seljast í stykkjatali þykir mér það heldur undarlegt skilyrði að lag þurfi að vera partur af plötu til að þeir sem framleiði það geti hlotið tilnefningu,“ segir Pálmi og bætir við að þrátt fyrir að hann gagnrýni hvernig staðið sé að málunum eigi þeir listamenn sem séu tilnefndir það fyllilega skilið.

Nokkrir íslenskir tónlistarmenn hafa gagnrýnt tilnefningar Íslensku tónlistarverðlaunanna í dag. Fyrr í dag greindi DV frá því að Halldór Halldórsson, einnig þekktur sem Dóri DNA, hefði kallað verðlaunin „Íslensku rottuverðlaunin,“ þar sem hann sagði að íslenskir rapparar væru sniðgengnir.

Sjá einnig: Dóri DNA ósáttur: „Íslensku tónlistarverðlaunin eru íslensku rottuverðlaunin

Þá hefur Logi Pedro Stefánsson, tónlistarmaður og meðlimur Retro Stefson, einnig tjá sig um málið. Logi segir í færslu sem hann birti á Facebook að ekki væri gert ráð fyrir elektróník eða rappi.

„Leiðinlegt að sjá hvað rappmúsík og elektróník er sniðgengin á Íslensku tónlistarverðlaununum í ár,“ segir Logi.

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = „//connect.facebook.net/is_IS/sdk.js#xfbml=1&version=v2.3“; fjs.parentNode.insertBefore(js, fjs);}(document, ‘script’, ‘facebook-jssdk’));