Gísli Pálmi hlaut enga tilnefningu – Íslenskir rapparar sniðgengnir
Tilnefningar til Íslensku tónlistarverðlaunanna 2016 voru kunngerðar í Gamla bíói í dag og fékk rokksveitin Agent Fresco flestar tilnefningar, eða sex talsins. Íslenskir rapparar, sem þóttu gera frábæra hluti á síðasta ári fengu færri tilnefningar en margir áttu von á.
Sjá einnig: Þau eru tilnefnd til íslensku tónlistarverðlaunanna
Halldór Halldórsson, betur þekktur sem Dóri DNA, er einn þeirra og gagnrýnir hann tilnefningarnar harðlega á Twitter. Hann segist ekkert skilja í því hvers vegna íslenskir rapptónlistarmenn hafi ekki fengið fleiri tilnefningar. Nefnir hann sem dæmi tónlistarmanninn Gísla Pálma sem gaf út eina bestu plötu síðasta árs, að mati dómnefndar Fréttablaðsins, en hann fékk enga tilnefningu.
Dóri nefnir einnig hljómsveitina Úlfur Úlfur sem gaf út plötuna Tvær plánetur um mitt síðasta ár og hlaut mikið lof. Þess ber þó að geta að hljómsveitin hlaut þrjár tilnefningar; flytjandi ársins, lag ársins (Brennum allt) og textahöfundur ársins. Gísli Pálmi fékk hins vegar sem fyrr segir enga tilnefningu. Þá gagnrýnir Dóri það að tónlistarmaðurinn MC Gauti hafi ekki verið tilnefndur sem flytjandi ársins, en MC Gauti fékk enga tilnefningu.
„Íslensku tónlistarverðlaunin eru íslensku rottuverðlaunin. Fokking cheerios rás 2 rusl sem má fokka sér. Hvernig getur GP ekki verið þarna,“ spurði Dóri og vísaði í að Gísli Pálmi hafi ekki fengið tilnefningu. Hann heldur áfram: „Hvernig er Úlfur Úlfur platan ekki plata ársins? Hvernig er Gísli Pálmi ekki með lag og plötu ársins? Af hverju er Gauti ekki flytjandi ársins?,“ segir Dóri og spyr hvernig standi á því að ár íslensks rapps endurspeglist ekki í íslensku tónlistarverðlaununum.
Dóri segir svo að lokum: „Vá íslensk tónlist hefur alltaf verið tightknit og krúttleg klíka. En núna birtist hún manni eins og hræddir gamlir frímúrarar.“
Vá íslensk tónlist hefur alltaf verið tightknit og krúttleg klíka. En núna birtist hún manni eins og hræddir gamlir frímúrarar.
— Halldór Halldórsson (@DNADORI) February 5, 2016
//platform.twitter.com/widgets.js
Hvernig getur ár íslenskt rapps ekki endurspeglast í íslensku tónlistarverðlaununum? Íslensku hausinn í rassgatinu á sér verðlaun ársins.
— Halldór Halldórsson (@DNADORI) February 5, 2016
//platform.twitter.com/widgets.js
Hvernig er Úlfur Úlfur platan ekki plata ársins?Hvernig er Gísli Pálmi ekki með lag og plötu ársins?AFhverju er GAuti ekki flytjandi ársins?
— Halldór Halldórsson (@DNADORI) February 5, 2016
//platform.twitter.com/widgets.js
Íslensku tónlistarverðlaunin eru íslensku rottuverðlaunin. Fokking cheerios rás 2 rusl sem má fokka sér. Hvernig getur GP ekki verið þarna?
— Halldór Halldórsson (@DNADORI) February 5, 2016