Miðstöð sjúkdómavarna og forvarna í Bandaríkjunum, CDC, gaf nýverið út aðvörun og varað fólk við því að borða romaine-kál eftir að um komst um E. coli-bakteríusmit sem hefur greinst í 32 manneskjum í ellefu ríkjum í Bandaríkjunum.

Þetta er í annað skiptið á þessu ári sem gefin er út aðvörun varðandi romaine-kál í Bandaríkjunum. Alls hefur 21 aðvörun verið gefin út vestan hafs er varðar smitsjúkdóma í matvælageiranum. Því er talið að þetta sé metár hvað það varðar, en samkvæmt CNN hefur CDC ekki rannsakað fleiri slík mál í áratug.

Doktor Scott Gottlieb, hjá Lyfja- og matvælastofnun Bandaríkjanna, segir í samtali við CNN að þetta hafi ekki með það að gera að matur sé verri nú en áður, aðeins að stofnunin hafi betri tækni til að greina smitsjúkdómana og tengja þá við algenga sýkla.

Það á þó ekki við um nýjasta kálfaraldurinn þar sem CDC hefur ekki hugmynd um upptök hans né er vitað hvenær verður óhætt að borða romaine-kál aftur.

Matvælastofnun, MAST, hefur til skoðunar innflutning og dreifingu á romaine-káli í skugga faraldursins. Þegar að öflun upplýsinga um mögulega hættu vegna E.coli-bakteríunnar á Íslandi hefur verið aflað verður ýmist gefin út viðvörun eða innköllunarskylda, ef tilefni þykir til að vara neytendur við.