Nýir eigendur einbýlishúss í Houston voru fullir eftirvæntingar þegar að flutningar stóðu yfir um helgina. Húsgögn og aðrir persónulegir munir fylltu húsið jafnt og þétt en eins og gengur fóru einhverjar kassar beint í geymsluna, sem í þessu tilviki var staðsett í háaloftinu. Skyndilega kom einn hinna nýju eiganda auga á rauð gleraugu bak við þil á háaloftinu og síðan það sem sendi kalt vatn milli skins og hörunds viðkomandi. Bein.

Í umfjöllun Houston Chronicle kemur fram að mikil ráðgáta hafi umlukt afdrif fyrri eiganda hússins. Hin 61 árs gamla Maria Cerutti virtist hafa gufað upp fyrir tveimur árum síðan. Hún hafði verið áberandi í baráttu íbúa hverfisins gegn umfangsmikilli íbúðabyggð sem reisa átti við hlið heimili hennar. Að mati Cerutti og annarra íbúa var framkvæmdin í hróplegu ósamræmi við aðrar byggingar í hverfinu.

En skyndilega hætti að heyrast í Maríu Cerutti. Garðurinn hennar féll í órækt, bréfpóstur hrúgaðist upp og afborganir af íbúðarláninu hættu að berast. Nágrannarnir hringdu í lögregluna sem að braust inn á heimilið og leitaði í dyrum og dyngjum án árangurs. Það eina sem tók á móti þeim voru nokkrir dauðir kettir sem að María annaðist en gátu enga björg sér veitt eftir hvarf húseigandans. Einn nágranni réð meira að segja einkaspæjara til þess að hafa upp á Maríu en sú vinna skilaði engu. Hún átti engin börn, aðeins fyrrverandi eigmann, David Cerutti, sem að flutti hafði til New York eftir skilnað þeirra.

Örlög Maríu virtust óleysanleg ráðgáta og eftir tæp tvö ár var húsið hennar auglýst til sölu. Nýir eigendur gerðu það upp og ráðgerðu að klára flutninganna allt þar til að hin óhugnalegi fundur átti sér stað.

Fregnirnir af gleraugna- og beinafundinum vakti því gríðarlega athygli í þessu litla samfélagi í Houston. Hvað skeði fyrir Maríu Cerutti? Var hún mögulega myrt? Á þessari stundu er málið í rannsókn en ekki þykir útilokað að hún hafi hreinlega hrasað inn í holrýmið í veggnum og fest sig þar. Ömurlegri dauðdagi er vandfundinn en þar til að niðurstaðan liggur fyrir þá bíða nágrannar og vinir Maríu Cerutti með öndina í hálsinum.