Tryggingafélagið VÍS deilir myndbandi á Facebook-síðu sinni þar sem sjá má fimm unga pilta á einni vespu akandi um Fellsmúla. VÍS bendir réttilega á að þetta sé stórhættulegur leikur.

Félagið segir að þessi hegðun geti jafnframt ógilt tryggingar: „„Fimm á vespu“ hljómar í fyrstu eins og skemmtileg ævintýrasaga frá Enid Blyton en gæti hæglega verið íslensk smásaga í grimmum raunsæisanda enda stórhættulegt er að vera svo mörg og hjálmalaus á vespu. Við fengum þetta myndskeið sent til okkar sem sýnir fimm ungar sálir á einni vespu. Fyrir utan að vera augljóslega hættulegt og ólöglegt þá getur slík hegðun ógilt tryggingar í F plús sem ná yfir létt bifhjól í flokki I.“

https://www.facebook.com/Vatryggingafelag.Islands/videos/873010242905993/