fbpx
Fréttir

Bjarni Ben í guðatölu á klámbúllu í Mekka vændis: „Stelpunum sagt að hann eigi alltaf að fá staup eins og kóngurinn“

Hjálmar Friðriksson
Miðvikudaginn 12. september 2018 09:50

Nýlega opnaði bar í taílensku borginni Pattaya, Mekka vændis í Asíu, sem er í eigu Íslendinga. Líkt og DV greindi frá fyrr á þessu eru fleiri barir reknir af Íslendingum í þessari sömu borg en nýi barinn heitir heldur skrautlegu nafni, IceHot1, og hangir mynd af Bjarna Benediktssyni, fjármálaráðherra og formanni Sjálfstæðisflokksins, á vegg. Nafn barsins vitnar í alræmt notendanafn Bjarna á framhjáhaldssíðunni Ashley Madison. Bjarni og eiginkona hans Þóra Margrét Baldvinsdóttir skráðu sig á vefinn árið 2008 og sagði Þóra í yfirlýsingu að það hefði verið gert í hálfkæringi og léttúð.

Ævar nokkur Líndal segist einn eiganda barsins. Hann vekur athygli á barnum innan Facebook-hópsins Thailandsvinir og er jafnframt einn stjórnenda sérstaks hóps á Facebook utan um barinn. „Bjarni Ben kominn á hæsta stall. Og stelpunum sagt að hann eigi alltaf að fá staup eins og kóngurinn og buddha. Ice hot 1 bar,“ skrifar Ævar þann 29. ágúst síðastliðinn innan Thailandsvina. Ævar vísar þar í taílenskan sið að færa Búdda nokkurs konar fórn, oft í vökvaformi.

Fyrir ofan kónginn.

Þetta innlegg fór misvel í Taílandsvini, sumum þótti þetta fyndið á meðan einum Íslendingi blöskrar að Bjarna sé gert svo hátt undir höfði og spyr hví sé verið að spyrða saman stjórnmál við búlluna á Pattaya. Ævar reyndi þá að sverja fjármálaráðherra af sér og þeir ættu ekki samleið í pólitík.  „Ef þú þekkir ekki söguna á bak við ICE HOT þá ættir þú kannski að kynna þér hana. Ég persónulega mundi aldrei borga stækkun á mynd af honum nema uppá djókið hvað þá hafa hann á barnum. […] Engin kvöð á mönnum að koma til okkar ef þeim líkar ekki djókið. Bjarni verður alla tíð á efsta stalli á meðan við eigum barinn. Og allir velkomnir,“ segir Ævar.

Áfengisdauð stúlka.

Líkt og fyrr segir þá er sérstakur hópur á Facebook þar sem eigendur og aðdáendur Icehot1 geta tjáð sig eða birt tilkynningar. Ævar hefur deilt þar inni fjölda mynda og myndbanda af staðnum. Þar má sjá að barinn er kyrfilega merktur íslenska fánanum og gengilbeinur klæddar í bol einum klæða, sem nær rétt fyrir neðan rass er merktur íslenska fánanum.

Ljóst er að Icehot1 er heldur ófágaður veitingastaður og til marks um það deilir Ævar myndabandi þann 5. september þar sem sjá má unga stúlku áfengisdauða bak við barinn. Raunar er staðnum best lýst sem klámbúllu, því önnur mynd sýnir taílenska kona í þann mund að sleikja gervilim sem hangir úr bjöllu á barnum. Ævar deilir svo myndbandi í lok ágúst sem sýnir að strippsúla er á staðnum.

DV fjallaði síðastliðinn mars um bari sem þennan sem voru í eigu Íslendinga. Þar kom fram að vændi á stöðum sem þessu sé á fremur gráu svæði. Haukur Vagnsson, eiganda slíks bars, sagði þá í viðtali við DV að fyrirkomulagið væri með þeim hætti að viðskiptavinir gætu greitt staðnum fyrir það að taka starfsmenn úr vinnu.

Sjá einnig: Íslendingar reka bari í Mekka vændis: „Ferskur matur, fersk píka“

Merktar Íslandi.

Haukur sagði að sektin væri hluti af menningu Taílands og að konur ráði sig til vinnu á börum með því skilyrði að fá að fara úr vinnu. „Ég hef búið víða og ég er bara ekkert svo viss um að það sé meira vændi hér en annars staðar. Það er allt bullandi í vændi heima á Íslandi og í Þýskalandi er vændishús á öðru hverju horni. Ég held hreinlega að það sé á öllum stöðum þannig hérna, að ef dömunni líst á gaurinn og hana langar að fara með honum, þá geta þær fengið að fara gegn því að þær endurgreiði launin sín,“ sagði hann.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Drengirnir eru fundnir

Ekki missa af

Fréttir
Fyrir 15 klukkutímum

Morgunblaðið birtir orð Halldórs sem varði Downey: „Rétttrúnaður að mega ekki troða sér í sleik við konur“

Morgunblaðið birtir orð Halldórs sem varði Downey: „Rétttrúnaður að mega ekki troða sér í sleik við konur“