fbpx
Fréttir

Ísland er dýrasti áfangastaður ferðamanna í heiminum

Auður Ösp
Sunnudaginn 24. júní 2018 13:00

Ísland er orðið dýrasti áfangastaður ferðamanna í heiminum samkvæmt grein sem birtist á ástralska ferðavefnum Traveller. Greinarhöfundur fullyrðir að ferðamannabólan sem sprungin á Íslandi en landsmenn bindi nú vonir við að þáttaka Íslands á HM muni blása lífi í túrismann á ný.

Nýsjálenski vefurinn Newshub fjallar einnig um málið og vitnar í niðurstöður nýlegrar könnunnar á vegum ástralska ferðaþjónustufyrirtækisins Intrepid sem sýna að hvergi í heiminum er bjór dýrari en á Íslandi. Meðalverð á bjór hér á landi er 14,50 bandaríkadalir. Einnig kemur fram að samkvæmt könnun vefsíðunnar Hoppa komast Danmörk, Noregur og Svíþjóð einnig inn á topp 5 listann yfir dýrustu ferðamannastaðina í Evrópu.

Traveller ræðir við Skapta Örn Ólafsson  upplýsingafulltrúa Samtaka ferðaþjónustunnar sem segir Ísland „koma fram á stóra sviðinu í sumar.“ Vissulega sé markmiðið að nýta athyglina á jákvæðan hátt. Þannig hafa samtökin meðal annars fengið forsetahjónin íslensku til liðs við sig til að auglýsa þáttöku Íslands á heimsmeistaramótinu og hvetja fólk til að styðja við „Strákana okkar.“

Þá kemur fram að undanfarin ár hafi ferðamannageirinn átt stærsta þáttinn í því að rétta af efnahag Íslands eftir Hrunið. En nú séu blikur á lofti: eftirspurnin eftir flugferðum hingað til lands er farin að minnka hjá flugfélögunum og þá hefur styrking íslensku krónunnar um rúmlega 40 prósent „gert Ísland að dýrasta ferðamannastað í heimi.“ Afleiðingarnar séu þær að erlendir ferðamenn horfa síður hingað til lands og segir greinarhöfundur að Landsbankinn hafu lýst því yfir að „ferðamannabólan sé sprungin.“

„Ferðamönnum hefur fækkað, og það sem verra er: ferðaþjónustufyrirtækin eru farin að finna fyrir samdrætti,“ segir Skapti Örn.

Einnig er rætt við Þóri Garðarsson, stjórnarformann Gray Line en hann segir að umræðan um hækkun ferðamannaskatts sé ástæða þess að erlendar ferðaskrifstofur séu nú farnar að sniðganga Íslandsferðir.

Ekki eru þó allir uggandi yfir ástandinu.

„Ég er búinn að vera í þessum geira í 40 ár og ég er mjög bjartsýnn og sé engin merki um hrun,“ segir Þráinn Lárusson, eigandi Hótel Hallormsstaða. „Bransinn er einfaldlega í endurmótun um þessar mundir.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Fyrir 21 klukkutímum

Kynlífsdúkkuþjófarnir hugsanlega karlkyns

Kynlífsdúkkuþjófarnir hugsanlega karlkyns
Fréttir
Í gær

Hvað á að gera við konu sem er með vesen? Segja henni upp

Hvað á að gera við konu sem er með vesen? Segja henni upp
Í gær

Baráttan um fiskinn – Átök framtíðarinnar?

Baráttan um fiskinn – Átök framtíðarinnar?