Sir Alan Sugar, einn ríkasti maður Bretlands og stjórnandi bresku Apprentice-þáttannam líkir landsliði Senegal við sölumenn á sólarströnd. Segir hann á Twitter:

„Ég kannast við þessa frá ströndinni í Marbella. Mjög úrræðagóðir náungar,“ og birti þessa mynd:

Margir af hans 5,4 milljónum fylgjenda á Twitter gagnrýndu hann harðlega og kölluðu Sugar, sem var eitt sinn eigandi knattspyrnuliðsins Tottenham, rasista og sögðu að hann þyrfti að biðjast afsökunar.

Sugar sagði á móti: „Ég sé ekki hverju ég á að vera biðjast afsökunar á. Þetta er fjandans brandari.“

Hann fjarlægði tístið svo að lokum og sagði:

„Ég er búinn að fara yfir viðbrögðin sem ég fékk vegna fyndna tístsins um gaurana á ströndinni á Marbella. Svo virðist sem einhverjir hafi túlkað það á rangan hátt sem móðgandi. Í allri hreinskilni skil ég ekki af hverju, mér finnst þetta fyndið. En ég tek þetta út fyrst þið endilega viljið.“