Videobloggarinn NuseirYassin eða Nas Daily eins og hann kallar sig er í heimsókn á Íslandi um þessar mundir. Í gær sendi hann frá sér áhugavert myndband þar sem hann telur upp nokkrar ástæður fyrir því af hverju Bandaríkjamenn ættu að geta lært af byssueign Íslendinga. Sjáðu myndbandið hér að neðan.
Yassin bendir á þá staðreynd að á Íslandi séu yfir 100 þúsund byssur í umferð án þess að þær valdi teljandi skaða. Hann segir að ástæður þess megi rekja til þess að hér á landi þurfi einstaklingur að gangast undir læknisskoðun, sitja 12 tíma námskeið og standast próf til að fá byssuleyfi.
Þá bendir hann á að meðhöndlun skotvopna hér á landi sé til mikillar fyrirmyndar en samkvæmt lögum þurfa Íslendingar að geyma skotvopn í læstum hirslum. Myndbandið sem er um þrjár og hálf mínúta að lengd hefur vakið töluverða athygli en þegar þessi frétt er skrifuð hafa yfir hálf milljón manna séð það.
https://www.facebook.com/nasdaily/videos/1059877524164399/