Söngkonan heimsfræga Avril Lavigne kom fram í fyrsta skiptið í mörg ár á Sunnudaginn síðasta. Útlit söngkonunnar hefur breyst töluvert og hefur hún aldrei verið glæsilegri.
Avril sem er 33 ára gömul var þekkt fyrir að skera sig úr hópnum með gróft útlit og pönkaralega poppsmelli.
Söngkonan hvarf mjög skyndilega úr sviðsljósinu og töldu margir að hún hefði hreinlega dáið, en sú var ekki raunin. Avril veiktist hins vegar illa af Lyme sjúkdómnum og lýsti hún því sjálf að vanlíðan hennar hafi verið svo mikil á tímabili að hún hélt að hún væri að deyja.
Nú er Avril þó orðin öllu skárri og hefur hún undanfarin ár unnið í nýrri plötu sem hún stefnir á að gefa út fljótlega.
