Sölumaður dauðans var hvorki lifaður, leðurklæddur maður í dimmu húsasundi né ungur drengur með vöðvana fulla af sterum klæddur í græna Adidas-peysu. Fíkniefnasalinn var spákona á sjötugsaldri sem selur dauðadópið contalgin og býður einnig upp á rítalín. Blaðamenn DV hringdu í spákonuna sem bauð öðrum þeirra að hún myndi rýna í framtíð hans og þá gat hann einnig keypt bæði contalgin og rítalín af spákonunni.
Sjá einnig: Þekkt spákona selur contalgin
Í ítarlegri grein í helgarblaði DV er fjallað um læknadópsfaraldurinn en Ísland kemur næst á eftir Bandaríkjunum þegar kemur að dauðsföllum vegna lyfjanotkunar. Árið 2017 létust 25 á Íslandi vegna lyfja eða fíkniefnanotkunar, 17 af þeim vegna neyslu morfínskyldra lyfja.
Tveir blaðamenn DV fóru og keyptu eina Contalgin töflu af spákonunni á átta þúsund krónur og hér má sá myndbandsupptöku af því.