Bjarni Benediktsson, fjármála- og efnahagsráðherra heldur fram að kaupmáttur bótaþega og þá sérstaklega ellilífeyrisþega hafa stórvaxið. Þeir hafi fengið töluvert meira en aðrir þjóðfélagshópar. Bjarni sagði í þættinum Þingvellir á K100.
„Það er ekki markmið okkar að halda bótum almannatrygginga í algjöru lágmarki til að vinna niður hlutfall ríkisútgjalda af landsframleiðslu. Við erum í þessu fyrir heildina, til þess að geta stutt við þá sem mest þurfa á að halda, og leggjum því mikið upp úr því að hér séu efnahagsleg umsvif, hagvöxtur og drift í atvinnulífinu, svo við getum gert betur við þetta fólk. Kaupmáttur bóta ellilífeyrisþega hefur stórvaxið, umfram það sem hefur gerst hjá öðrum þjóðfélagshópum.
Þessi ummæli lét Bjarni falla við nokkuð sérstakar aðstæður í viðtali í dag en þættinum stýrði Páll Magnússon. Páll situr á alþingi fyrir Sjálfstæðisflokkinn og tók hann viðtal við formann Sjálfstæðisflokkinn á útvarpsstöðinni K100 sem er í eigu Morgunblaðsins en Morgunblaðinu er ritstýrt af fyrrverandi formanni Sjálfstæðisflokksins, Davíð Oddssyni.
Þá sagði Bjarni einnig:
„Ef við horfum aftur í tímann hefur okkur tekist að styðja miklu betur við þetta fólk. Það kalla ég árangur í stjórn landsmála. Við erum að láta ávinninginn af efnahagsuppsveiflunni rata þangað sem við sögðumst alltaf ætla að láta hann rata.“
