Síðustu vikur hefur vefur DV verið á mikilli siglingu og hefur aðsókn aldrei verið meiri í sögu miðilsins frá stofnun hans árið 2007. Í síðustu viku heimsóttu 434.199 einstakir notendur vefinn. Það þýðir að þessi fjöldi kom í það minnsta einu sinni á vef DV þessa viku. Að meðaltali komu 121.503 á dag hið minnsta einu sinni og auðvitað margir oftar en einu sinni. Þá hefur flettingum fjölgað gríðarlega og eru á virkum dögum tæplega milljón. Þá hefur auglýsingasala verið með besta móti. Samkvæmt tölum Gallup nálgast nú vefur DV vef Morgunblaðsins og Vísis og er orðinn að ákjósanlegum stað fyrir auglýsendur til að ná til fólks.
Fyrra met DV var sett þegar leit að Birnu Brjánsdóttur stóð yfir. Þær tölur voru aldrei birtar enda litu starfsmenn svo á að óviðeigandi væri að hreykja sér af aðsókn í tengslum við það átakanlega og sorglega mál. Sá árangur sem náðist í síðustu viku náðist með því að starfsmenn lögðu allt undir og var aðeins tímaspursmál hvenær nýtt met yrði sett.
Síðustu mánuði hafa orðið miklar breytingar hjá Frjálsri fjölmiðlun sem á og rekur DV. Segja má að á haustmánuðum hafi afraksturinn af þessum breytingum byrjað að koma í ljós. Guðmundur R. Einarsson hannaði nýjan vef og starfar nú náið með ritstjórunum Kristjóni Kormáki og Einari Þór Sigurðssyni sem hafa síðustu ár borið vef DV á herðum sér og sett, ásamt frábærum blaðamönnum, hvert metið á fætur öðru.
Þá flutti Frjáls fjölmiðlun í nýjar og glæsilegar höfuðstöðvar á Suðurlandsbraut 14. Ýmsar aðrar nýjungar hafa átt sér stað. DV byrjaði með sjónvarpsútsendingar á netinu, hefur bætt við nýjum vefhlutum og starfsfólki. Í stuttu máli er Frjáls fjölmiðlun á mikilli siglingu sem sér ekki fyrir endann á.
Hvers konar miðill er DV í dag? DV er eins og áður, frjáls og óháður og tekur á spillingu. DV hefur hins vegar stækkað og er nú eins og hlaðborð þar sem allir geta fundið bita við sitt hæfi. Miðillinn birtir í kringum 120 fréttir á dag. Lítill hluti af þeim er svo kallaðar gular fréttir eða æsifréttir. Þær fréttir verða hins vegar oft áberandi vegna vinsælda. Blaðamenn DV hafa haldið áfram að sinna hlutverki sínu þegar kemur að rannsóknarblaðamennsku og má þar nefna ástandið í Krýsuvík, Biskupsmálið eða að vera leiðandi í umfjöllun um Braggamálið þar sem bruðlað var með almannafé. DV flettir ofan af níðingum, spillingu, þar má finna innihaldsrík helgarviðtöl. Sakamálin eru á sínum stað og Tímavélin hefur slegið í gegn. Á undirsíðum, eins og Fókus, sem mælist hvað eftir annað stærra en Smartland á Mbl.is, má lesa um hvað fræga fólkið hér heima og erlendis er að taka sér fyrir hendur ásamt ýmsu öðru áhugaverðu efni.
Pressan hefur breyst að því leyti að þar er nú helst að finna erlendar fréttir. Á undirsíðu DV, Bleikt, er að finna áhugaverða umfjöllun um konur á öllum aldri og 433.is er á svipuðum slóðum og öll íþróttadeild Morgunblaðsins og mælist oft stærri en Fotbolti.net. Þá er nýr Matarvefur DV orðinn stærri en Matarvefur Morgunblaðsins á örfáum vikum. Lesendahópur Eyjunnar er stór og tryggur enda Eyjan miðstöð pólitískrar umræðu í landinu.
Við, starfsmenn DV, gerum okkur grein fyrir að við getum enn bætt okkur og gert betur. Það ætlum við okkur að gera. Allir hjá Frjálsri fjölmiðlun vilja hins vegar af einlægni þakka fyrir traustið og þennan mikla stuðning.
Takk fyrir okkur!
– –
Við erum DV
Ritstjórn DV er samsett af fjölbreyttum hópi fólks með ólíka menntun og bakgrunn.
Kristjón Kormákur – Aðalritstjóri
Einar Þór Sigurðsson – Aðstoðarritstjóri
Guðmundur R. Einarsson – markaðs- og þróunarstjóri
Auður Ösp Guðmundsdóttir – Blaðamaður
Hjálmar Friðriksson – Blaðamaður
Lilja Katrín Gunnarsdóttir – blaðamaður
Aníta Estíva – Umsjónarmaður Bleikt
Ari Brynjólfsson – Blaðamaður
Björn Þorfinnsson – Fréttastjóri
Kristján Ágúst Kristjánsson – Umsjónarmaður Pressunnar
Ragna Gestsdóttir – Umsjónarmaður Fókus
Ágúst Borgþór Sverrisson – Blaðamaður
Kristinn Haukur Guðnason – Fréttastjóri
Tómas Valgeirsson – Blaðamaður
Hörður Snævar Jónsson – Umsjónarmaður 433
Kristinn Svanur Jónsson – Tækni- og sjónvarpsmál
Jóhanna Kristín Andrésdóttir – Ljósmyndari
Guðfinna Berg Stefánsdóttir – Umbrot
Eva María Sigurðardóttir – Umbrot
Trausti Salvar Kristjánsson – Umsjónarmaður Eyjunnar
Victor Pálsson – Blaðamaður á 433
Bjartmar Oddur Þeyr Alexandersson – Blaðamaður
Kolbeinn Þorsteinsson – Blaðamaður
Guðni Einarsson – DV Sjónvarp