Fréttir

Brynjar handtekinn í Ástralíu – Stjarna á Instagram

Hjálmar Friðriksson
Fimmtudaginn 8. nóvember 2018 16:38

Brynjar Smári Guðmundsson er hinn tveggja Íslendinga sem hafa verið handteknir í Ástralíu eftir að kókaín fannst í ferðatösku á flugvellinum í Melbourne. DV greindi í gær frá nafni hins mannsins, Helga Heiðars Steinarssonar. Brynjar og Heiðar er sagðir hafa verið með samtals um sjö kíló af kókaín en markaðsvirði þess í Ástralíu samsvarar um 220 milljón króna.

Brynjar Smári heldur úti Instagram-síðu þar sem hann er geysivinsæll, er með tæplega 17 þúsund fylgjendur. Til samanburðar má nefna að samfélagsmiðlastjarnan Sólrún Diego er með 28 þúsund fylgjendur. Brynjar lýsir sér sem vaxtaræktarmanni og endurspegla myndir hans það áhugamál. Hann hefur sem og keppt í Fitness-keppnum hér á landi. „Fjögur ár síðan ég keppti í fyrsta skipti. Allt er hægt með dugnaði,“ skrifar hann við nýjust mynd sína. Athygli vekur að nýjasta mynd hans var birt fyrir um ári síðan.

Samkvæmt fréttaflutningi í Ástralíu var Brynjar handtekinn á flugvellinum í Melbourne eftir að um fjögur kíló af kókaíni fundust falin í fóðri ferðatösku hans. Hann var á leið til Hong Kong. Við frekari leit fundust tæplega þrjú kíló af kókaíni á hótelherbergi Helga Heiðars.

Líkt og Helgi Heiðar virðist Brynjar ekki eiga neinn sakaferil að baki hér á landi. Þeir sitja nú báðir í gæsluvarðhaldi og gætu átt yfir höfði sér allt að lífstíðardóm verði þeir fundnir sekir. Samkvæmt heimildum DV eru fjölskyldur beggja mannanna í áfalli og njóta nú aðstoðar utanríkisráðuneytisins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af