DV hefur undir höndum alla reikninga sem Reykjavíkurborg greiddi fyrir Braggablúsinn svokallaða, verkefnið á Nauthólsvegi 100. Alla þessa viku hefur DV birt fréttir upp úr bókhaldi Reykjavíkurborgar og mun halda því áfram á næstu dögum. Reikningarnir varpa ljósi á hvernig verkefnið á Nauthólsvegi 100 fór rúmlega 250 milljónum króna fram úr upphaflegu kostnaðarmati. Í kostnaðarmati verkfræðistofunnar Eflu frá árinu 2015 kom fram að það myndi kosta í mesta lagi 158 milljónir að endurbyggja braggann, skálann og náðhúsið. Í dag er kostnaðurinn kominn yfir 400 milljónir.
Reykjavíkurborg hefur afhent fjölmiðlum reikningana þar sem búið er að strika yfir ýmsar upplýsingar. DV hefur hins vegar undir höndum óritskoðaðar útgáfur af reikningunum og gerir þá nú aðgengilega lesendum.