Nýfætt barn fannst úti á götu í Kaupmannahöfn

Nýfædd stúlka fannst ein og yfirgefin á bílastæði í Hammelstrupvej í suðvesturhluta Kaupmannahafnar í morgun. Stúlkan var flutt á sjúkrahús þar sem ástand hennar er metið alvarlegt.

Lögreglan í Kaupmannahöfn segir í samtali við BT í Danmörku að stúlkan hafi fundist klukkan 08.41 í morgun og var það borgarstarfsmaður sem gekk fram á hana. Stúlkan er sögð hafa verið grátandi en ekki liggur fyrir hversu lengi hún hafði verið úti við. Stúlkan var flutt á Ríkissjúkrahúsið í Kaupmannahöfn.

Lögreglan hefur óskað eftir því að hugsanleg vitni gefi sig fram eða þeir sem geti gefið upplýsingar um málið

Athugasemdir

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.