Icelandair hyggst bjóða upp á áætlunarflug til Indlands á næsta ári. Ekki hefur þó verið upp um hvaða borgir á Indlandi er að ræða. Þetta kemur fram á vef Túrista.
Björgólfur Jóhannsson forstjóri Icelandair Group, ávarpaði afkomufund fyrirtækisins í morgun og kom þá fram að verið væri að horfa til áfangastaða á Indlandi.Sagði hann að horft væri til áfangastaða á Indlandi en nefndi þó ekki hverjir þeir væru.
Talið er líklegt að borgirnar sem um ræðir séu annars vegar höfuðborgin Nýja-Delí og hins vegar Mumbai sem trónir á toppnum sem fjölmennasta borg Indlands. Í báðum tilvikum er flugtíminn rúmlega tíu klukkustundir.
Kalkútta, Bangalúr og Chennai eru einnig á listanum yfir fjölmennustu borgirnar.
WOW Air hyggst einnig bjóða upp á flug til Asíu á næstu misserum en í samtali við Viðskiptablaðið á dögunum kvaðst Skúli Mogensen forstjóri WOW eiga von á því að mesti vöxtur Wow á næstu árum verði í Asíuflugi. Þá sagðist hann sjá fyrir sér að WOW myndi á næstu árum bjóða upp á flug til 14-15 áfangastaða í álfunni.
