Elliði Vignisson, bæjarstjóri í Vestmannaeyjum, er ekki jafn óskoraður leiðtogi Eyjamanna og virðist á yfirborðinu. Milli jóla og nýárs bárust óljósar fréttir af því að Sjálfstæðismenn í Eyjum, sem ráða þar lögum og lofum, myndu halda sitt fyrsta prófkjör í 28 ár. Á fundi í vikunni var prófkjör hins vegar slegið af borðinu og mun fulltrúaráð en ekki almennir Sjálfstæðismenn kjósa hverjir verða á listanum. Elliði sagði opinberlega að hann væri ánægður að fara í prófkjör en mun hafa beitt sér bak við tjöldin til að koma í veg fyrir það. Það skyldi aldrei vera að Eyjamenn séu ekki allir á bandi bæjarstjórans?