Druslugangan fer fram á laugardaginn, 29. júlí, þar sem gengið verður frá Hallgrímskirkju að Austurvelli. Öryggisgæsla lögreglunnar á svæðinu verður háttað eins og á öðrum stórviðburðum sumarsins. Lögreglumenn munu sinna almennu eftirliti og sérstveit ríkislögreglustjóra verður á svæðinu. Arnar R. Marteinsson staðfesti það í Fréttablaðinu í dag að þessir sérsveitarmenn verða vopnaðir.

Vopnaðir sérsveitarmenn hafa sinnt eftirliti á viðburðum svo sem The Color Run, á dagskrá þjóðhátíðardagsins 17. júní og á tónlistarhátíðinni Secret Solstice í sumar. Guðbrandur Sigurðsson, aðalvarðstjóri umferðardeildar lögreglunnar segir að sérsveitin verði í samstarfi við almenna löggæslu og bifhjólalögreglumenn sem muni fylgja druslugöngunni eftir.