Lögreglan á Suðurlandi telur sig vita hver það er sem féll í Gullfoss síðdegis í gær. Það var bíll, sem var á bílastæði við fossinn, sem kom lögreglunni á sporið en hann var rannsakaður í gærkvöldi. Leit hefst að nýju um klukkan níu en leit bar ekki árangur í gær.
Þetta kemur fram á vef Rúv.is. Þar segir að varðstjóri hjá lögreglunni á Suðurlandi hafi sagt að fyrrgreindur bíll hafi komið lögreglunni á sporið. Um 150 manns komu að leitinni í gær.
Hlé var gert á leitinni í nótt en fylgst var með ánni í þeirri von að til mannsins sæist. Leitin í gær var úr lofti, af landi, á bátum og einnig voru kafarar að störfum.