Tilkynnt var um sex heimilisofbeldismál í gærkvöldi og nótt. Þetta kemur fram í dagbók lögreglunnar á höfuðborgarsvæðinu.
Gerendur í þremur málum voru handteknir og vistaðir í fangageymslu.
Gerendur í hinum þremur málunum voru farnir af vettvangi þegar lögreglan kom að. Haft verður upp á þeim síðar. Áverkar þolenda eru misalvarlegir.
Alls voru 50 mál skráð í dagbók lögreglu. Fimm ökumenn voru handteknir grunaðir um akstur undir áhrifum áfengis / fíkniefna. Allir látnir lausir að lokinni blóðsýnatöku.
Kl. 04:30 var ölvaður maður handtekinn í Breiðholti grunaður um að hafa hótað og ógnað fólki með hnífi. Hann er vistaður í fangageymslu. Málið er í rannsókn.
