Sjötug kona var stönguð til bana af kýr í héraðinu Tyrol við rætur austurrísku Alpanna í byrjun júní-mánaðar. Konan var á göngu með vini sínum og hundum þegar þau komu að hópi nautgripa. Ein kýrin tók á rás og réðist á konuna með fyrrgreindum afleiðingum en vinur hennar slapp ómeiddur.

Sambærilegt atvik átti sér stað í héraðinu árið 2014 þegar kýr stangaði 45 ára gamlan mann frá Þýskalandi til bana. Sá maður var á ferð í stórum hóp fólks sem innihélt nokkur börn. Fjölskylda mannsins höfðaði einkamál gegn bóndanum sem átti kúnna og var dæmd rúmlega 40 milljónir króna í skaðabætur.

Bændur á svæðinu eru uggandi eftir dóminn því að Tyrol er vinsælt skíðasvæði og ferðamönnum fer ört fjölgandi með hverju árinu. Seldar gistinætur á svæðinu eru um 21 milljón á sumrin og 27 milljónir á veturna.