„Lögreglan á höfuðborgarsvæðinu hefur að undanförnu haft til skoðunar mál er varðar erlent fyrirtæki sem hefur sett sig í samband við íslenskar stúlkur í þeim erindagjörðum að fá þær til þess að sinna módelstörfum í Kanada.“
Þetta kemur fram í mikilvægu skeyti frá lögreglunni sem varar stúlkur hér á landi við að þiggja slík boð sem og kanna gaumgæfilega það fyrirtæki sem á í hlut.
Þá biður lögreglan þær stúlkur sem hefur verið haft samband við af svikahröppunum að ræða við lögregluna á höfuðborgarsvæðinu í gegnum facebooksíðu embættisins eða netfangið abending@lrh.is.