Lögreglan á Norðurlandi eystra ætlar að skera upp herör gegn farsímanotkun bílstjóra. Lögreglan hefur gripið til ráðstafana vegna þess en ekki kemur fram í hverju það er fólgið. „ Gert hefur verið skipulag vegna þessa sem nær frá Þórshöfn í austri til Siglufjarðar í vestri og má búast við að lögregla hafi afskipti af þeim sem ekki virða reglur um þessi mál. Þar sem nú líður að vori og sól hækkar á lofti mun umferð í umdæminu aukast er gott að huga að þessum málum sem og öðrum umferðarmálum,“ segir á Facebook-síðu lögreglunnar.
Fram kemur að sérstaklega verði fylgst með farsímanotkun þessa vikuna. „Förum varlega og sýnum hvort öðru tillitssem í umferðinni þá mun allt ganga betur.“