Unnið er að því að ná honum aftur upp á veginn
Sjúkrabíll fauk útaf veginum við Bláfjallaafleggjara í brekkunni við gömlu námurnar um klukkan 12 á hádegi í dag. Sigurbjörn Guðmundsson, varðstjóri hjá slökkviliðinu á höfuðborgarsvæðinu, segir að tveir sjúkrabílar og einn dælubíll hafi verið sendir á svæðið eftir rúta fauk út af veginum. Enginn slys urðu á fólki og eru allir sem lentu í slysunum tveimur eru komnir aftur til byggða.
Mjög vont veður er á svæðinu við Bláfjallarafleggjara og Sigurbjörn segir varla sætt úti. Unnið er að því að ná sjúkrabílnum aftur upp á veginn með aðstoð gröfu.
Þá ráðleggur hann fólki að vera ekki á ferli í dag. „Það virðist sem fólk hafi farið vel eftir þeim tilkynningum sem voru sendar út í morgun. Tiltölulega fá atvik hafa þar af leiðandi komið upp í dag sem er mjög jákvætt.“