Egill Einarsson segist fagna niðurstöðu Mannréttindadómstóls Evrópu í yfirlýsingu til DV. „Ég fagna að sjálfsögðu þessari niðurstöðu. Ég var alltaf mjög hissa á þessum dómi Hæstaréttar en Mannréttindadómstóllinn vandaði greinilega til verka,“ segir Egill.

Líkt og hefur verið greint frá fyrr í dag dæmdi Mannréttindadómstóll Evrópu Agli í vil vegna dóms Hæstaréttar þar sem Ingi Kristján Sigurmarsson var sýknaður af meiðyrðum.

Ingi skrifaði yfir mynd af Agli „Fuck you rapist bastard“ og höfðaði Egill meiðyrðamál gegn honum. Hæstiréttur sýknaði Inga Kristján en Mannréttindadómstól Evrópu taldi hins vegar með þessu væri vegið að einkalífi Egils. Íslenska ríkið var dæmt til að greiða Agli ríflega tvær milljónir í skaðabætur.

Hann segist fagna tilvist Mannréttindadómstóls Evrópu: „Það er ljóst að dómur Hæstaréttar stenst ekki kröfur Mannréttindasáttmálans um takmörk tjáningarfrelsis. Það er ekki þægileg tilfinning að vera saklaus maður sitjandi undir ummælum sem þessum. En ég fagna mjög að það sé til fyrirbæri eins og Mannréttindadómstóll Evrópu. Margir mannréttindalögmenn hafa haft samband við mig og óskað mér til hamingju með dóminn.